حەماس لەبارەی ئۆپڕاسیۆنەکەی بە چەقۆ لە قودس ڕاگەیاند، "وەڵامێکی سروشتییە بۆ تاوانەکانی داگیرکەران و کردەوە بەردەوامەکانی نیشتەجێ سەهیۆنییەکان و گورزێکی نوێیە لە سیستەمی ئەمنی رژێمی داگیرکەر."

بە پێی هەواڵێکی ناوەندی ڕاگەیەندراوی فەلەستین، بزووتنەوەی خۆڕاگری ئیسلامی (حەماس) لە بەیاننامەیەکدا ڕایگەیاند کە "چالاکیی هێرشکردن بە چەکی سارد لە شاری قودس، کە لەلایەن یەکێک لە گەنجانی فەلەستینەوە ئەنجام درا، وەڵامێکی سروشتییە بۆ تاوانەکانی داگیرکەران و کردەوە بەردەوامەکانی نیشتەجێ سەهیۆنییەکان و گورزێکی نوێیە لە سیستەمی ئەمنی رژێمی داگیرکەر و وەهمەکانی بۆ ڕاگرتنی خۆڕاگریی ڕیشەداکوتاو لە دڵی خەڵکی فەڵەستیندا."

لە بەیاننامەکەدا هاتووە کە چالاکییە بەردەوامەکانی گەنجانی فەلەستینی دژی سەربازانی داگیرکەر لە بارودۆخی بەردەوامی شەڕی کۆمەڵکوژی لە غەززە و کەناری ڕۆژئاوا و هەروەها تاوانەکانی رژێمی داگیرکەر کە تەنانەت وڵاتانی عەرەبیش لێی پارێزراو نەبوون، لەوانە هێرشەکەی ئەم دواییە بۆ سەر شاندی دانوستانکاری حەماس لە دۆحە، ئەنجام دەدرێن.

حەماس جەختی کردەوە کە "بژاردەی ڕووبەڕووبوونەوەی داگیرکەران، وەڵامێکی سروشتییە بۆ تاوانەکان و کوشتارە دڕندانەکان لە غەززە، دەستدرێژییەکانی نیشتەجێکان لە شار و گوندەکانی کەناری ڕۆژئاوا و قودس و هەوڵەکانیان بۆ جێبەجێکردنی سیاسەتەکانی لکاندن و ئاوارەکردن."

بزووتنەوەکە هەروەها ئاماژەی بەوەدا کە "دەستی گەنجانی شۆڕشگێڕ دەگوشێت کە بە ئیرادەیەکی پۆڵایین، سووربوونی خۆیان لە ڕووبەڕووبوونەوەی داگیرکەراندا نیشان دەدەن، و داوا لە هەموو فەڵەستینییەکان دەکات کە بە هەموو ئامرازەکان بەردەوام بن لە ڕووبەڕووبوونەوە و خۆڕاگری تاوەکو دوژمن لە خاک و پیرۆزییەکانی فەڵەستین دەرپەڕێنن."(İLKHA)